Modo Versus: Super Metroid vs. Castlevania Symphony of the Night (Metroid vs. Vania)

Volve a sección na que enfrontamos os mellores xogos, Modo Versus, hoxe imos cos dous xogos que deron nome a ese xénero inspirado en “ai, teño que volver que deixei as chaves do coche na casa”. Os Metroidvania, así que pola parte do Metroid teremos o Super Metroid da Super Nintendo, e nos Castlevania, o Castlevania Symphony of the Night, cal dos dous estará máis en forma na actualidade? Baterémolos en 5 apartados: Gráficos e ambientación, Son, Diversión, o voto do público e Metroidvaniedade (é dicir cal aproveita dunha maneira máis interesante as características dos Metroidvania?). Quen gañarán, os vampiros ou os alieníxenas? Descúbreo nos próximos minutos no Modo Versus.