Recuncho Gamer Podcast Ep.38: Os 16-Bit, falamos de Super Nintendo e Sega Mega Drive

Tempo para abordar a gran guerra de consolas de comezos dos anos 90: A Super Nintendo contra a Sega Mega Drive. Sega coas súas versións de recreativas, Sonic, e xogos de novos estudios como Treasure aguantou o embite da Super Nintendo que chegaba con versións de franquías asentadas e novos xogos como o F-Zero ou o StarFox. Tamén falamos doutras máquinas da época como PC Engine ou Neo Geo e dos xogos da época para PC. Con Ángela Triana e Iago Gordillo.